قصيده بقلم …. سامي سالم ؟ بعنوان … حديث الهجر. ؟

ياهجر .. مالك ماتبعدنيش ليه عنك

             أو تروح عني بعيد هناك عندك

                ملازمني ليه ياهجر هو أنا مكتوب علي إسمك.

وللا مكتوب إسمي عندك بعندك.

 وكل شئ حبيته مالقيت فيه إلا صدك.

               وبعدين ياهجر أروح أنا فين منك.

 آاااه علي وجع القلوب كله بفضلك.

                       في نومي وأكلي شوفتك.

 في سري خنتك.

                            بقلمي في شعري هنتك.

 يابختك مين أدك.

               فرقت بين الحبايب وإسمك ياهجر صفتك

 روح ياهجر بدعي ربنا في هجرك.

                        وجع القلوب كله بخاطرك وقصدك.

 شوفت ياهجر عذابي وعمري إللي جري بسببك. 

              عايش معايا حاسس بنفسك شايف شكلك وصورتك

 فين راحوا الحبايب .. وكان فين حلمك وصبرك

                      كنت قاسي قوي ياهجر .. وأقسم أنا بربك.

 هبيع قلبي علشان أكون أنا ضدك.

                          أو أدبح حبي وأعشق فيك حربك.

أو أخدعك بالحب وأفضل حبيس سجنك.

            وأعيش وأموت بيك ويغيب عن الحبايب وصفك

                  الكابتن …. سامي السيد سالم نقيب بحريه متقاعد